حضرت عیسیٰ علیہ السلام زمین پر نازل ہوں گے - احادیث کی روشنی میں

تحریر: اشتیاق احمد | تخصص: اسلامی علوم

احادیث میں واضح ثبوت

یہ بات احادیث صحیحہ سے ثابت ہے کہ حضرت عیسیٰ علیہ السلام دمشق کے مشرقی مینار پر آسمان سے اتریں گےاور دجال کو قتل کریں گے اور شادی کریں گے اور مدینہ طیبہ حاضری دیں گے اور وفات کے بعد روضہ اطہرﷺ میں مدفون ہوں گے۔

خود مرزا قادیانی نے جن احادیث کی کتابوں کو مستند قرار دیا، ان میں بھی آسمان سے نازل ہونے کا لفظ موجود ہے اور احادیث میں دمشق کا لفظ بھی موجود ہے۔ دمشق کی مسجد کے مشرقی مینارے کا لفظ بھی موجود ہے، یعنی اس مسجد کے اور بھی مینارے ہیں تو یہاں تک نشان دہی کردی گئی کہ مشرقی مینارے پر نازل ہوں گے۔

پھر یہ کہ حضرت عیسیٰ علیہ السلام دجال باب لد پر قتل کریں گے۔ یہ باب لد آج موجود ہے۔

غورو فکر کا مقام

ان تمام حالات میں اگر مرزا غلام احمد قادیانی اپنی کتابوں میں یہ اعلان کرے کہ میں ہی مہدی ہوں اور میں ہی عیسیٰ ہوں اور جس عیسیٰ کو آنا تھا وہ میں ہی ہوں اور مسیح موعود بھی میں ہی ہوں اور عیسیٰ علیہ السلام فوت ہوچکے ہیں تو یہ کسی دیوانے کی بڑ کے سوا کچھ بھی نہیں۔

اس لیے کہ جب اس قدر وضاحت احادیث میں موجود ہے—نام، مقامات، قتل دجال کی جگہ—اور پھر دجال کو قتل کرنے کے بعد آپ لوگوں کو اپنا نیزہ دکھائیں گے، نیزے پر خون لگا ہوگا۔

مشکوٰۃ شریف کی حدیث

لیجئے ہم مشکوٰۃ شریف کی ایک حدیث بھی نقل کردیتے ہیں، جس میں مزید وضاحت پائی جاتی ہے:

"حضرت عبداللہ بن عمرؓ سے روایت ہے کہ رسول اللہﷺ نے فرمایا کہ عیسیٰ ابن مریم زمین میں نازل ہوں گے۔ شادی کریں گے۔ ان کی اولاد ہوگی۔ پینتالیس سال زمین میں ٹھہریں گے۔ پھر فوت ہوں گے۔ میرے ساتھ میری قبر میں داخل ہوں گے۔ میں اور عیسیٰ ابن مریم، ابوبکرؓ اور عمرؓ کے درمیان ایک قبر سے اٹھیں گے۔” (مشکوٰۃ شریف)

اور مرزا غلام احمد قادیانی نے اپنی کتاب کشتی نوح میں لکھا ہے کہ: "میں ہی وہ مسیح موعود ہوں جو آنحضرتﷺ کی قبر میں دفن ہوگا۔” لیکن حقیقت یہ ہے کہ مرزا قادیانی قادیان میں دفن ہوا، نہ کہ نبی اکرمﷺ کے ساتھ۔

خلاصہ

یہ مضمون احادیث صحیحہ سے حضرت عیسیٰ علیہ السلام کی واپسی کے بارے میں تفصیلی ثبوت فراہم کرتا ہے۔ میرزا قادیانی کے دعاویٰ کو احادیث کی روشنی میں رد کیا گیا ہے۔ قرآن و احادیث میں مذکور تفصیلات سے عقیدہ ختم نبوت کی تشریح کی گئی ہے۔